Gaur egungo musika eta Musika Klasikoa

Musika klasiko bezala ezagutzen dugunak eragin izugarri handia izan du gaur egungo musikan. Bai egituran bai harmonian, etab. musika klasikoaren ezaugarri asko aurkitu daitezke egunero entzuten ditugun abestietan. Eta gehiago ere! Askotan entzun daitezke abesti modernoetan duela 200 urte idatzitako melodiak!

Hemen duzue adibide bat. Aurten hitz egin dugu Mozarti buruz. Gogoratzen? Evanescence taldeak ere bere Requiemaren pasarte bat aukeratu du bere abesti bat egiteko. Mozartek pasarte hori bukatu gabe utzi zuela ikusi genuen, hil egin baitzen. Requiemaren "Lacrimosa" izeneko pasartea da. Hemen dituzue biak entzuteko eta konparatzeko.

Evanescence

Mozart "Lacrimosa" (Requiem)

Baina ez da hau adibide bakarra. Pop, rock, etab.en historian zehar honelako adibide ugari entzun ahal izan ditugu. Ezzagutzen al dituzue? Hona hemen nire proposamena. Bilatu ezazue Ecooglen honi buruzko informazioa eta idatz ezazue komentarioetan zein adibide aurkitu dituzuen. Ondo?

Mozarten flauta kontzertua

Eguberriak eta gero Mozarti buruz hitz egin dugu. Bere bizitzari buruz zerbait ikasi dugu eta bere musika ere entzun dugu. Hemen bere flautarako kontzertu beten bideoa ikus dezakezue. Bakarlaria Emmanuel Pahud da.

Kuriositate bezala, jakin Mozarti ez omen zitzaiola flauta asko gustatzen eta ez dituela instrumentu horrentzako lan gehiegirik. Pentsa, flautako lan bat oboerenaren beste baten berdin berdina da (tonalitatea aldatuta), esaten dutenez, flautarako berri bat ez idaztearren!!

Komentatu ezazue nolakoa iruditzen zaizuen.

Aio.

Txirula magikoa

Hona hemen Mozarten operaren momenturik ezagunenetarikoa. Ikasleei ez omen zaie opera asko gustatzen, baina argumentua jakitean eta proiektore batekin ikustean, hau izan da nire esperientzia, asko gustatu zaie. Noski, ez da berdina 11-12 urterekin 3 orduko opera ikustea abesten dutena ulertu eta ikusi gabe, edo honelako 4 minutuko zatia ikustea. Argumenturen nondik norakoa jakitea ere garrantzitsua da ikasleak girotzeko.