Jostailugilea, pailazoen abestia

Aupa, Hemen dugu eskolan grabatutako lehen bideoa. "Jostailugilea" ipuinaren abestietako bat da. Oraindik lana dugu egiteko (batez ere afinazio eta koreografia aldetik), baina hasteko, ez dago gaizki. Ezta

Druida

Oporrak eta gero, berriro ere ikasturteari martxa hartuko diogu. Horretarako kanta berria hemen jarriko dizuet etxean entzun eta praktikatu ahal izateko. Beti bezala, partitura ikus ahal izateko egin ezazue klik hemen.




Eta disfrutatzeko... ikusi bideoa! Baietz pasiloetatik jendeak hau abesten bukatu!!!

Berriro elkartu gara!

Aupa, ikasleak!

Denbora asko pasa da, baina elkarrekin gaude dagoeneko. Egun hauetan aste kulturala prestatzen hasiko gara. Talde bakoitzak zer egin behar duen pixkanaka joango naiz esaten, baina jakin ezazue "You and me" abestiaren laguntza prest duzuela berriro ere etxean praktikatzeko. Besteena jartzen joango naiz, ez kezkatu. Ikusiko duzue zein gauza ederrak egingo ditugun! Animo!

Hasteko hemen duzue You tube-tik ateratako bitxikeria bat. Kontatuko didazue zer iruditzen zaizuen. Bide batez... norbaitek ba al daki zein kanta den?

Five experience txikleak!

Txikleei buruz blog honetan? Gelan ezin dira jan eta! Egia da, baina interneten saltxeatzen ari nintzela, hau topatu dut. Txikle hauen Webgunean musika egiteko aplikazio bat sortu dute eta lehiaketa bat ere. Irabazleak Japoniara bidai bat! Horretarako Webguneko aplikazioan musika sortu besterik ez dago eta parte hartu.

Adibide bat ikusteko hemen duzue youtubeko bideo bat.



Lehieketan parte hartzeko praktika handia beharko bada ere, momentu atsegin bat igarotzeko oso aproposa da, jolas moduan aritzeko. Saiatuko al gara zer edo zer polita egiten? Animo!

Rock Trap lantzeko

Primeran egiten dute hauek! Guk, gure moldaketekin, oso ondo egingo dugu. Ez da lan erraza izango, praktika handia beharko dugu, baina saiatzeak merezi du, ezta?

Aupa!

Soinuaren uhinak gatza nola mugitu eta irudi geometrikoak nola egiten dituen ere polita da ezta?

Bila ezazue interneten soinuaren propietateei buruzko artikulu interesgarriak eta ekarpena egin gelara. Animo eta bilaketa ona egin!!!

"soinuaren kualitateak"

Ikasturtean zehar ere "soinuaren kualitateak" landuko dituzue. Dagoeneko gelan hasi gara gaiarekin eta hainbat gauza ere ikasi ditugu. Anima zaitezte sarean (youtube etab.etan) gaiari buruzko informazioa eta bitxikeriak bilatzea. Hona hemen adibidetxo pare bat.


Bitxia, baietz? Norbaitek ba al daki zergatik gertatu den hori? Asmatzen duenak positibo bat!!!!!

Ea hau gustatzen zaizuen...

Beno, dena ikastea eta ikastea ez denez, ikus ezazue bideo hau. Dibertigarria da (agian emanaldietarako ideiak atera daitezke eta guzti...)

Mundu berri bat (Dvorak)

Kaixo berriz guztioi!

Ez pentsa ahaztuta nengoenik. Hemen doakizue ikasi beharko duzuen lehen abestiaren pasartea eta partitura .





("DECCA" etxeak grabatutako bertsioa. Istiván Kertész zuzendaria eta "London Symphony Orchestra", 1991)


Dvorak-en 9. sinfoniaren 2. mugimenduko melodia ikasi beharko duzue txirularekin. Ez da batere zaila, horregatik musika egitea eskatuko dut, hau da, ez da inportantea izango notak jotzea, nola jotzen ditugun baizik. Musika espresatzeko bide bat denez, espresatu beharko dugu, ezta?

4. mugimenduaren bideoa ere jartzen dizuet, izan ere sinfonia osoa ikaragarri polita da, etxean edukitzea pena merezi duen horietakoa. (bideoa kargatzen astiro doala uste dut...)




Hemen doaz galdera pare bat (badakizue erantzunak asko baloratzen ditudala):

1.- Zergatik du sinfonia honek "Mundu berria" izena?
2.- Zein da 2. mugimenduko melodiak originalarekin duen desberdintasun "txikia"?
(Galdera hau musika eskolara zoaztenentzat aproposagoa da)



Animo, eta adi berriei!